Reuters
Mwanamume aliyefungwa kifungo cha upweke jela muda mrefu zaidi katika historia ya Marekani ameachiliwa huru baada ya kuwa gerezani miaka 43.
Albert Woodfox, amekuwa akizuiliwa katika jimbo la Louisiana.
Mawakili wake wanasema alikuwa akizuiliwa kwenye seli saa 23 kila siku.
Woodfox ndiye pekee aliyesalia gerezani kutoka kwa kundi la wafungwa lililojulikana kama "Angola Three" (Watatu wa Angola), ambao walikaa sana jela.
Jina Angola linatokana na shamba kubwa lililo karibu na gereza hilo.
Amekuwa akitumikia kifungo cha upweke tangu Aprili 1972 baada ya kudaiwa kumuua askari jela.
Alikanusha shtaka la kumuua askari huyo Brent Miller.
Wakati wa kuuawa kwa Brent, Woodfox alikuwa amefungwa jela kwa wizi wa mabavu na uvamizi
Woodfox, 69, mwishowe ameachiliwa baada ya kukiri shtaka lenye adhabu nafuu kidogo la kuua bila kukusudia.
Inadaiwa waendeshaji mashtaka wa serikali wamehusika kumshawishi akubali akosa hilo ndogo.
Ingawa amekubali kosa hilo, anasema si ishara kwamba alikuwa na hatia.
“Ingawa nilisubiri kuthibitisha kwamba sikuwa na makosa, wasiwasi kuhusu afya yangu na uzee pia vimenifanya kuamua kufikisha kikomo cha mambo haya yote na kupata uhuru wangu kwa kukiri shtaka la lenye adhabu ndogo,” alisema kupitia taarifa Ijumaa.
AP
Kabla ya kuondoka gereza lililoko eneo la Feliciana, St Francisville, akiandamana na kakake, Woodfox ameambia wanahabari kwamba alitaka kwanza kutembelea kaburi la mamake.
Mamake huyo alifariki akiwa gerezani na Woodfox hakuruhusiwa kuhudhuria mazishi.
MAAJABU YA MTANDAONI BOFYA HAPO CHINI HUTAAMINI MACHO YAKO.
ABOUT PRINCE BEWISA: PRINCE BEWISA BLOG is an independent organization which belongs to Bewisa Multimedia and Communication (BMC Media). Prince Bewisa was officially established on September 25, 2013 for the purpose of publishing Social contents that benefits to every visitor and community in general. It’s social blog for News, Entertainments, Education, Sports, Articles, and Business.
Post a Comment